Isang kakaibang artifak ang natagpuan ni Dr. Robert B. Fox sa Kuweba ng Leta-Leta sa Lagen Island, El Nido, Palawan noong 1965. Ang nasabing artifak ay isang bangang yari sa luwad na ang hugis ay tulad ng isang taong naghihikab. Tinatayang nagkakaidad ito ng 1,000-2,500 taon.
Ang nasabing banga na tinaguriang “The Yawning Jar” ay nakalagak ngayon sa Pambansang Museo. At ang mga replika nito ay makikita sa El Nido Tourism Office at Ille Cave archaeological site sa New Ibajay, El Nido, Palawan.
Kung ano man ang ibig sabihin ng paghikab ng banga ay di pa tukoy ng mga eksperto. Maaaring isang simbolo ito ng paghiling sa masaganang ani. Meron din isang haka-haka na ito ay aksidenteng tumabingi habang nasa proseso pa lamang ng pagluto at ginawan na lamang ng disenyong mata at tenga. Siguro naman ay hindi ito simbolo ng mga antuking mamamayan noong panahong iyon.
Ipinaskil ni Missy noong Hulyo 8, 2009 bandang 00:42
hehehe.. Antuking mamamayan??:D
Ipinaskil ni brokenform noong Hulyo 8, 2009 bandang 08:33
di naman cguro natin namana ang pagiging antukin ng mga ninuno natin hehe
Ipinaskil ni Ngiping_Kidlat noong Hulyo 13, 2009 bandang 15:49
ang katawagang naghihikab (yawning) ay tinawag lamang sa antropomorpikong banga na iyan dahil sa anyo nitong para ngang naghihikab. ngunit di po tayo nakatitiyak kung ano talaga ang sadya dahilan ng anyong iyan. Sa tingin ko po’y maaari itong iugnay sa mga antropomorpikong tapayang panlibing sa Maitum, Saranggani. may kinalaman po siguro ito sa konsepto ng loob o kalooban na nakaugnay din sa kaluluwa at ginhawa, dalawang pinakaimportanteng konsepto sa sikolohiya ng mga Pilipino.
mahalaga po iyang banga dahil patunay po iyan ng nakatatag nang kapaniwalaan sa anito, kaluluwa, kabathalaan, kabilang buhay, at iba pang konsepto na bumubuo sa sistemang panrelihiyon. 
Ipinaskil ni tandangtomas noong Hulyo 14, 2009 bandang 11:10
ehersisyo ng isip, wala po akong background sa pilosopiya walang background sa anthro, nahilig lang akong tumula, at matanda na nang malaman kong napakabanu akong magsulat, ang problema marami na akong award at kailangan kong patunayang maiwawasto ko pa ang buhay kong inabot ng limang dekada bago ko nalamang ang buong buhay ko ay nakasabit sa kultura ng pag-aakala.
tungkol sa paghihikab ng banga? wala din akong pundasyong akademiko dahil nahinto ako sa 3rd year high school sa isang sub standard na paaralan na pag nagkasabaysabay umihi ang palaka ay pumapasok ang baha sa kuwarto.
mahilig lang akong sumabay at gumayang magpaintelektwal sa mga edukadong nakatapos sa kolehiyo.
natural lang po ang pagtingin ko sa banga, tulad ng lahat ng bagay, hindi nabubuo ang anuman nang labas sa algoritmo ng lohika, tsansa… palagay ko, ang banga ay kusang idinesenyo para sumagap ng ulan, dahil wala pang ref noong panahong iyon at sa isang tropikal na lugar, masarap ang tubig na pinalamig; at siyempre pandispley, dahil bukod sa tubig, kailangan din ng unggoy ang yabang at pampapogi.
ano kaya?
Ipinaskil ni brokenform noong Hulyo 14, 2009 bandang 12:37
hmmmn… marahil po ay ganun na nga… para sumagap ng ulan o maari ring may ispiritwal na gamit… sana may ekspertong mag-aral dito para matukoy… kung hindi ito’y mananatiling misteryo dahil hindi tau nakapamuhay sa panahong iyon.
Ipinaskil ni tandangtomas noong Hulyo 14, 2009 bandang 12:54
ANO KA BA? ANG BUHAY ARAW ARAW AY ISPIRITWAL KAYA ANG LAHAT NG KAGAMITAN NATIN AY DAPAT MAGANDA, MAYABANG AT NAKAKAALIW
ISPIRITWAL ANG DATING NG BANGA, HINDI HIKAB HINDI PAG-AANTOK, YAN AY PAGTITIYAK NA MASASAGAP NIYA ANG MATAMIS AT DALISAY NA ULAN KASI WALA PANG ACID RAIN YATA NOON
Ipinaskil ni brokenform noong Hulyo 14, 2009 bandang 15:01
hmmmn. may punto ka hehe